სიახლეები

news

რა უნდა გავითვალისწინოთ მცირე ზომის ბინის მოწყობისას

თანამედროვე დიზაინერული გადაწყვეტილებების წყალობით, პატარა ბინები თანდათან იქცევა მყუდრო, მოდურ და კომფორტულ საცხოვრებლად. ჩვენ მოგიყვებათ, თუ რა პრინციპებს უნდა მივყვეთ იმისათვის, რომ კორპუსის პატარა ბინა მყუდრო და ტევად სახლად ვაქციოთ. 1. დაგეგმარება ბინის გეგმარების სწორად განაწილება მნიშვნელოვანი ნაბიჯია , შემდგომი კოსმეტიკური სამუშაოების განსახორციელებლად , ამიტომ საჭიროა განსაზღვროთ რომელი სივრცეა თქვენთვის პრიორიტეტული. ასევე, შეიძლება უფრო მტკიცე ნაბიჯის გადადგმაც –ოროთახიანისგან ვრცელი სტუდიოს ტიპის ბინის გაკეთება. მთავარია, ჩაფიქრებული ცვლილებები ბინის პროექტს მოარგოთ. თუ ყველაფერი რიგზე იქნება, განახორციელეთ გეგმა და აუცილებლად დაყავით მთელი ფართობი ზონებად, მაგალითად: სასადილო, სამუშაო, დასასვენებელი და გასართობი, საძინებელი და ა.შ. ამაში დაგეხმარებათ ავეჯი (დივანი, ბარის მაგიდა, სამზარეულოს კუნძული, სტელაჟი), ზემოხსენებული თაბაშირმუყაოს ტიხარი, იატაკისა და კედლის სხვადასხვა საფარი, განათება და სხვა. 2. ჭერქვეშა სივრცის გამოყენება მაღალი ჭერი ნამდვილი ხსნაა, თუ თავად ბინა დიდი არაა. მისი დახმარებით, შეიძლება ყველა იმ პრობლემის გადაწყვეტა, რომლებიც შენახვის ადგილების ნაკლებობასთანაა დაკავშირებული. უბრალოდ მოაწყვეთ კარებს ზემოთ თაროები ან ერთგვარი ნიშები, და მოათავსეთ იქ ნივთები, რომლებიც დროგამოშვებით გჭირდებათ. მაგალითად, სეზონური ტანსაცმელი, საწოლის თეთრეული, ახალი პირსახოცები, ნაძვის ხის სათამაშოები და ა.შ. ეს ვარიანტი განსაკუთრებით კარგია, თუ ყველა ამ ნივთს, ჩვეულებრივ, აივანზე ინახავდით. ამ შემთხვევაში, გაგითავისუფლდებათ დიდი ადგილი. 3. ნათელი ტონები პატარა ბინებში, მუქი ფერების გამოყენება ცუდ ვარიანტად ითვლება. პრაქტიკულად ყველამ იცის, რომ მსგავსი ფერები ავიწროვებს სივრცეს, რაც დაუშვებელია პატარა ბინებში. ამიტომ, რემონტის დროს განსაკუთრებული ყურადღება უნდა დაუთმოთ ფერთა გამის შერჩევას. შეგიძლიათ, შთაგონდეთ სკანდინავიური ინტერიერით, რომელშიც ჭარბობს თეთრი, ან გამოიყენოთ უფრო საინტერესო ტონები, მაგალითად, კრემისფერი, რძიანი ყავისფერი, სხვადასხვა ფერის ნუდი და პასტელური ტონები. ხოლო იმისათვის, რომ მოდერნიზაციის შემდეგ ბინა საავადმყოფოს სტერილურ პალატას არ დაემსგავსოს, გაავსეთ ინტერიერი მკვეთრი ფერის ავეჯით. აღნიშნული ტანდემი (ნათელი მოპირკეთება + ფერადი ავეჯი) იდეალური ვარიანტია. არ დაივიწყოთ დეკორისა და ტექსტილის შესახებაც – ისინი წარმატებულ აქცენტად იქცევა ხოლმე ოთახებში. 4. მრავალფუნქციური ან კომპაქტური ავეჯის დალაგება ძვირფასი კვადრატული მეტრების დასაზოგავად, ბინის მოწყობისთვის აირჩიეთ მრავალფუნქციური ან კომპაქტური ავეჯი. მაგალითად, თუ ერთოთახიანი ბინა გაქვთ, შეგიძლიათ დადგათ კარადა, რომელშიც საწოლი “იმალება”. ასე, ღამით სრულყოფილ საწოლზე დაიძინებთ, ხოლო დღისით ბინის ფართობი გაიზრდება, რადგან ზედმეტი ავეჯი ფეხქვეშ აღარ გაგეგებათ. სამზარეულოს მოწყობისას, მიანიჭეთ უპირატესობა დასაკეც სკამებსა და მაგიდას, რომლებიც მინიმალურ ადგილს იკავებს. თუმცა, ასეთი ვარიანტი მხოლოდ იმ ვარიანტში გამოგადგებათ, თუ ბინაში არაუმეტეს ორი ადამიანი ცხოვრობს. 5. აბაზანის მოწყობა ყველაზე დიდი ნაკლია პატარა სამზარეულო და უფრო პატარა, შერეული სან.კვანძი. სამწუხაროდ, სააბაზანოს ტერიტორიის გაფართოება წარმოუდგენელია, ამიტომ პრობლემა სწორი სანტექნიკით უნდა გადაჭრათ. თქვენი მთავარი მიზანია – მინიმალური ადგილი დააკავოთ. ამისთვის, შეიძინეთ მინი-აბაზანა ან კომპაქტური საშხაპე კაბინა. მეორე ვარიანტი უფრო პრაქტიკული იქნება, რადგან პატარა სააბაზანოში ყველა ვერ დაეტევა. ასევე, ყურადღება გაამახვილეთ მცირე ზომის სარეცხ მანქანასა და ტუმბოიან ნიჟარაზე, რომელშიც სხვადასხვა საჭირო ნივთს მოათავსებთ. არ დაგავიწყდეთ შენახვის სისტემის საკმარისი რაოდენობის შესახებაც. დიდი ალბათობით, მათი უმრავლესობა ღია იქნება: თაროები, კაუჭები კარზე, ხალათებისა და პირსახოცებისთვის, დასაკიდი დაწნული კალათები ქსოვილებისთვის და ა.შ. ეცადეთ, ყოველი მეტრი სასარგებლოდ გამოიყენოთ – მხოლოდ ასე გახდება თქვენი სან.კვანძი მაქსიმალურად კომფორტული. 6. სარკეები სარკე, როგორც ნათელი ფერები, ვიზუალურად ზრდის სივრცეს, ირეკლავს სინათლეს. ამიტომ, აუცილებლად დაკიდეთ ისინი ბინაში. მთავარია, ამ საკითხს გონივრულად მიუდგეთ და რაოდენობას არ გადაამეტოთ. საძინებელში შეგიძლიათ კარადა-კუპეს დადგმა სარკიანი კარებით, ან ტუალეტის სარკიანი მაგიდის განთავსება. გარდა ამისა, ეს ელემენტი სააბაზანოშიც და დერეფანშიც არამხოლოდ პრაქტიკულობის გამო, არამედ ოთახის ვიზუალურად გაფართოებისთვისაც უნდა გამოიყენოთ. 7. აივნის გაფორმება გახსოვთ, ჩვენ უკვე ვახსენეთ, რომ აივანი უნდა გათავისუფლდეს, მისი ოთახად გამოყენება რომ შეძლოთ? ხოდა, ეს ვრცელი, დათბობილი, შემინული და გარემონტებული აივანი მართლაც შესანიშნავი ადგილია დასვენების ან მუშაობისთვის. იქ შეიძლება მინი-ოფისის ან სახელოსნოს მოწყობა, პატარა, მყუდრო დივნის ან ჟურნალის მაგიდის დადგმა. თუ აივანზე გასასვლელი საძინებელშია, გააკეთეთ მასზე გარდერობი ან ბიუთი-სტუდიო, ხოლო თუ სამზარეულოში – სასადილო ზონა. აივნის გამოყენების უამრავი ვარიანტი არსებობს. მთავარია გაიგოთ, თუ კონკრეტულად რაში გჭირდებათ იგი.

14/02/2021

news

სამშენებლო კომპანია „მეგობრობა“ ც.დადიანის N25-ში ინვესტირებითაა დაინტერესებული

სამშენებლო კომპანია „მეგობრობა“ ც.დადიანის N25-ში ინვესტირებითაა დაინტერესებული. ჩვენი კომპანია მზადყოფნას გამოთქვამს აღნიშნულ მისამართზე ამორტიზებული შენობის ნაცვლად, მრავალსართულიანი საცხოვრებელი სახლი ააშენოს და მოსახლეობა საცხოვრებლით დააკმაყოფილოს.  ამასთან, „მეგობრობა“ ასევე მზადაა ობიექტი გაამწვანოს და კეთილმოაწყოს. შეგახსენებთ, რომ აღნიშნულ თემაზე მოლაპარაკება ჯერ კიდევ ამა წლის 12 ივნისს დაიწყო, დღეს კი საკრებულოში ინვესტიციის შესაძლებლობის შესახებ  მორიგი სამუშაო შეხვედრა გაიმართა, რომელსაც დედაქალაქის მერიისა და საკრებულოს  წარმომადგენლებთან ერთად, კომპანიის დამფუძნებელი მამუკა არევაძე ესწრებოდა. დღევანდელ შეხვედრაზე მხარეები სამომავლო თანამშრომლობაზე შეთანხმდნენ.  სამშენებლო ჯგუფ „მეგობრობის“ დამფუძნებლის მამუკა არევაძის თქმით, აღნიშნული პროექტის განხორციელება მნიშვნელოვანია არა მხოლოდ დედაქალაქის იერსახის ცვლილებისთვის, არამედ უშუალოდ მობინადრეებისთვის, რომლებიც ამჟამად ავარიულ სახლში ცხოვრობენ და ყოველ დღე საფრთხის წინაშე დგანან. მისივე თქმით, პროექტის განხორციელების შემთხვევაში კომპანია „მეგობრობა“ 22 ოჯახს ახალი საცხოვრებელი ფართებით უზრუნველყოფს.  ცნობისთვის, აღნიშნული ინიციატივა ჩუღურეთის რაიონის მაჟორიტარ დეპუტატს, რიმა ბერაძეს ეკუთვნის.

12/12/2020

news

“მეგობრობის” დამფუძნებელმა სოციალურ აქციაში გიორგი ჩაკვეტაძის მაისური – გენტი შეიძინა

სამშენებლო ჯგუფ „მეგობრობის“ დამფუძნებელმა, მამუკა არევაძემ  სპორტსმენების აქსესუარების აუქციონზე, ქართველი ფეხბურთის ამომავალი ვარსკვლავის, გიორგი ჩაკვეტაძის მაისური შეიძინა და ამ ფორმით სოციალურ კამპანიაში დიდი წვლილი შეიტანა. მნიშვნელოვანია, რომ აუქციონზე შესული თანხით, საოკუპაციო ხაზთან მდებარე ბერშუეთის სკოლის მოსწავლეებისთვის, ამორტიზებული სპორტული დარბაზი გარემონტდება და კეთილმოეწყობა. ცნობისთვის, საქართველოსა და მსოფლიო სპორტის ვარსკვლავების აქსესუარების კამპანია/აუქციონი, სახელწოდებით – “ძლიერები არ ძალადობენ” 18 დეკემბერს, “ფუნიკულიორზე” გაიმართა.  აუქციონზე გამოტანილი აქსესუარებს შორის იყო:  გურამ კაშიას მაისური – ეროვნული ნაკრები, ერთა ლიგა, საქართველო-ყაზახეთი. გურამ კაშიას ბუცები – ნაკრები, ერთა ლიგა, საქართველო-ყაზახეთი. გურამ კაშიას “ვიტესის” მაისური, რომლითაც არნემში ბოლო მატჩი ჩაატარა და გოლი გაიტანა. გურამ კაშიას კაპიტნის სამკლაური – “ვიტესი”, სარეკორდო 243-ე მატჩი. ნიკოლოზ ბასილაშვილის ჩოგანი – მოგებული აქვს ჰამბურგის პირველობა და შანხაის მასტერსი. ლაშა ტალახაძის ფინკა – 2018 წელი, აშხაბადი, 7 მსოფლიო რეკორდი და 3 ოქროს მედალი. ვლადიმერ ხინჩეგაშვილის ფინკა – ლონდონის 2012 წლის ოლიმპიადა. გენო პეტრიაშვილის ფინკა – 2016 წლის ევროპის ჩემპიონატი. ტოჩინოშინის კიმონო თავისი ქამრით (ობით) ტოჩინოშინის ფეხსაცმელი ტოჩინოშინის ხელის ანაბეჭდი, ნახატი პორტრეტითა და ავტოგრაფით. ერიკ აბიდალის მაისური – 2013 წელი, საქართველო-საფრანგეთი. ანტუან გრიზმანის მაისური ავტოგრაფით. ვარლამ ლიპარტელიანის კიმონო – 2016 წლის ევროპის ჩემპიონატი, ოქროს მედალი. გურამ თუშიშვილის კიმონო – 2017 წელი, ევროპის ჩემპიონატი, ოქროს მედალი.  მორაგბეთა ეროვნული ნაკრების ბურთი ავტოგრაფებით – საქართველო – სამოა. ზაზა ფაჩულიას მაისური ავტოგრაფით – დეტროიტ პისტონსი. გიორგი ჩაკვეტაძის მაისური – გენტი.

12/12/2020

news

„სამშენებლო ტენდენციები 2019″ – კომპანია “მეგობრობის” წარმომადგენლები ჰაიდელბერგცემენტის მე-6 საერთაშორისო ხარისხის კონფერენციაზე

2 ივნისს, კახეთში სასტუმრო “რედისონ ქოლექშენ წინანდალში” ჰაიდელბერგცემენტის მე-6 საერთაშორისო ხარისხის კონფერენცია თემაზე – “სამშენებლო ტენდენციები 2019” გაიმართა. ღონისძიებას სამშენებლო ჯგუფ “მეგობრობის”  დამფუძნებელი  მამუკა არევაძე და კომპანიის  სამშენებლო ჯგუფის ხელმძღვანელი ილია ძიგურაშვილი ესწრებოდნენ.  წლევანდელ ღონისძიებაზე პრეზენტაციებით წარსდგნენ მსოფლიოში ცნობილი კომპანიები, რომელთაც დამსწრე საზოგადოებას თავიანთი ხედვა და გამოცდილება გაუზიარეს. ჰაიდელბერგცემენტის გენერალურმა დირექტორმა, მიხაელ ჰამპელმა ბეტონის ხარისხისა და მომსახურების მაღალ ხარისხზე ისაუბრა. ღონისძიებაზე პრეზენტაცია სახელწოდებით – “One Thousand Museum,” რომლის მშენებლობაც მაიამიში მიმდიბარეობს, მსოფლიოში სახლგანთქმული არქიტექტურული კომპანიის Zaha Hadid Architect-ის წამყვანმა არქიტექტორმა ოლივერ ბრეიმ გამართა. ერთ-ერთი ყველაზე მსხვილი საინჟინრო კომპანიის ARUP-ის ასოცირებულმა დირექტორმა, იან ვურმიმ კი სამშენებლო სექტორის მეგა ტენდენციების შესახებ ისაუბრა. (მწვანე მშენებლობის სერტიფიცირების კორპორაცია) Europe-ის პრეზიდენტი GBCI იკაი კილმანმა საზოგადოებას მწვანე მშენებლობის სერტიფიკატზე LEED ესაუბრა. კონფერენციაზე ასევე განიხილეს სხვა მნიშვნელოვანი თემები, მაგალითად ისეთები, როგორებიცაა ბეტონის სპეცპროდუქტები და ინოვაციები, შენობების ენერგოეფექტურობა, შრომის უსაფრთხოების რეგულაციები და მართვა სამშენებლო უბანზე, ინოვაციური სამშენებლო პროდუქტები და საფასადე სისტემები. აღნიშნულ თემებზე მსოლიოში წამყვანიმა კომპანიებმა – ABB, Aluprof, Maxit, Kaya Safety და HeidelbergCement-ისაუბრეს. კონფერენციის წინა დღეს კი სამშენებლო მასალების გამოფენა გაიმართა, რომელშიც მონაწილეობას წამყვანი ადგილობრივი და უცხოური მწარმოებლები იღებდნენ. ცნობისთვის, ხარისხის კონფერენცია არის მასშტაბური ფორუმი, რომელსაც წამყვანი საერთაშორისო და ადგილობრივი სამშენებლო კომპანიების 200-ზე მეტი წარმომადგენელი ესწრება – უძრავი ქონების დეველოპერები, არქიტექტორები, ინჟინრები და სამშენებლო სექტორის სპეციალისტები.

12/12/2020