რატომ არის ლოკაცია გადამწყვეტი ფაქტორი ბინის შერჩევისას?
ბინის შეძენისას უამრავ დეტალს ვაქცევთ ყურადღებას: ოთახების რაოდენობა, აივანი, სარემონტო მდგომარეობა, კვადრატულობა. თუმცა არსებობს ერთი ფაქტორი, რომელიც ხშირად გადამწყვეტ როლს თამაშობს როგორც საცხოვრებლად, ისე საინვესტიციოდ ბინის შერჩევისას – ლოკაცია.
გთავაზობთ მიზეზებს, თუ რატომ უნდა იყოს ბინის ადგილმდებარეობა თქვენი მთავარი პრიორიტეტი:
- შენი ყოველდღიური ცხოვრება იწყება კარს მიღმა.
შეიძლება თქვენი ბინა იდეალურად მოწყობილი იყოს, მაგრამ:
- რამდენ ხანში მიხვალთ სამსახურსა ან უნივერსიტეტში?
- რამდენად სწრაფად მიხვალთ მაღაზიაში, აფთიაქსა და კლინიკაში?
- როგორია ტრანსპორტის ხელმისაწვდომობა?
თუ ლოკაცია მოუხერხებელია, ყოველდღიური ცხოვრება რთულდება.
- დრო – ფულია, კომფორტი – ბედნიერება.
გზაში დაკარგული საათები ნიშნავს ნაკლებ დროს ოჯახისთვის, დასვენებისთვის ან საქმეზე ფოკუსირებისთვის. ბინა ისეთ ადგილას, სადაც:
- მოძრაობა მარტივია
- არსებობს რამდენიმე ალტერნატიული მარშრუტი
- ახლოსაა მნიშვნელოვანი ობიექტები
გიზოგავთ დროს და ზრდის ცხოვრების ხარისხს.
- ინფრასტრუქტურა ფასის განმსაზღვრელია
ლოკაცია პირდაპირ აისახება უძრავი ქონების ღირებულებაზე:
- განვითარებულ უბნებში ბინის ფასი სტაბილურად იზრდება
- პერსპექტიულ, ახალ რაიონებში კი ფასის ზრდის პოტენციალია ყველაზე მაღალი.
სწორად შერჩეული ლოკაცია არა მხოლოდ კომფორტია, არამედ საინვესტიციო გარანტიაც.
- პერსპექტივა მომავლისთვის
კარგ ლოკაციას მომავლის პოტენციალი აქვს:
- იგეგმება თუ არა ახალი გზები, მეტრო და სკვერები?
- რა პროექტებს გეგმავს მერია და კერძო სექტორი?
- ხომ არ შენდება ახლომახლო ახალი სკოლა ან საბავშვო ბაღი?
ეს ყველაფერი პირდაპირ აისახება როგორც შენს საცხოვრებელ კომფორტზე, ისე ბინის საბაზრო ღირებულებაზე.
ლოკაცია არ არის მხოლოდ ადგილი, ეს არის დრო, ფასი, გრძელვადიანი პერსპექტივა, და რაც მთავარია – შენი ყოველდღიური ცხოვრების ხარისხი.